მინერალოგიის მოკლე განმარტებითი ლექსიკონი

თბილისი, საქართველოს ტექნიკური უნივერსიტეტი, 2011. - 81Попорадзе Н. Краткий минералогический словарь. На грузинском языке.მინერალთა განმარტებითი ლექსიკონი მუდმივ განახლებას საჭიროებს. სამეცნიერო პროგრესს ხშირად შეაქვს ცვლილებები მინერალოგიური ტერმინების არსებულ მარაგში - მუდმივად ხდება ახალი მინერალების აღმოჩენა, მოძველებული სახელწოდებები იცვლება ახლით, ზოგიერთი მათგანი კი საერთოდ ქრება.
ჩვენი წიგნის მკითხველი მასში აღმოაჩენს ბევრ მოძველებულ მინერალოგიურ სახელწოდებას, აგრეთვე იმასაც, რასაც ძნელად მოიძიებთ უახლეს სტატიებსა და ანგარიშებში, რომ არაფერი ვთქვათ მინერალოგიის თანამედროვე სახელმძღვანელოებზე. განსაკუთრებით მნიშვნელოვანია ინფორმაცია მინერალთა იმ სახელწოდებებზე, რომლებიც დღესაც ცოცხალია და გვხვდება არა მხოლოდ ძველი სამუზეუმო კოლექციების ეტიკეტებში და გამოიყენება ყოველდღიურ საუბარსა ან გეოლოგებისა და სამთოელების პროფესიულ ჟარგონში.
წიგნში შეგნებულად არ მოგვაქვს მინერალების სტრუქტურულ-კრისტალოგრაფიული, კრისტალოპტიკური კონსტანტები (რენტგენოგრამების მთავარი ხაზები, ელემენტარული უჯრედის პარამეტრები, გარდატეხის მაჩვენებლები და ა.შ.) და სხვა არსებითი მონაცემები. პროფესიონალ მინერალოგს ადვილად შეუძლიათ მათი მოძიება სპეციალურ ლიტერატურაში. მოცემულ ლექსიკონში აღწერილია მინერალთა გარეგნული ნიშნები, რომელთა ცოდნა აუცილებელია არა მარტო სპეციალისტისთვის, არამედ მოყვარული კოლექციონერისთვისაც. ყველა ეს მონაცემი მოცემულია ერთიანი სქემის მიხედვით, რომელიც შეიცავს შემდეგ პოზიციებს: მინერალის სახელწოდება, სინონიმები, კრისტალთქიმიური ფორმულა, სიმეტრიის სახე და სინგონია, ფერი, ელვარების ხასიათი, გამჭვირვალობის ხარისხი, ხაზის ფერი, სიმაგრე (მოოსის შკალის მიხედვით), სიმკვრივე, ტკეჩადობა, გამოყოფის ფორმები, კრისტალების ტიპობრივი მორფოლოგია, მათი იერი და ჰაბიტუსი, წარმოშობა, პარაგენეტული მინერალები და საბადოების ტიპობრივი მაგალითები.